Хятадын орчин үеийн сонгодог уран зохиолын уншигчдын уулзалт болон ном хандивлах ёслол боллоо

БНХАУ-ын Өвөрмонголын Хэвлэл мэдээллийн групп болон Өвөрмонголын уран соёлын холбоо хамтран Хятадын орчин үеийн сонгодог уран зохиолын уншигчдын уулзалт болон ном хандивлах арга хэмжээг Улаанбаатар дахь Хятадын соёлын төв дээр 09 дүгээр сарын 05-ны өдөр амжилттай зохион байгууллаа. БНХАУ-аас Монгол Улсад суугаа Элчинсайдын яамны соёлын зөвлөх болоод Улаанбаатар дахь Хятадын соёлын төвийн ерөнхий захирал Ливэй, Өвөрмонголын Өөртөө Засах Орны Ардын Засгийн газрын хэвлэл мэдээллийн албаны дарга   Ханьюншан, Өвөрмонголын Өөртөө Засах орны Хэвлэлийн компанийн удирдлагын төлөөлөл, Монгол Улсын Гадаад харилцаа болон Боловсрол соёл, шинжлэх ухаан, спортын яамны төлөөлөл мөн Хятад, Монгол хоёр улсын нэртэй орчуулагч, зохиолч, уншигч болоод хэвлэл мэдээллийн төлөөлөл зэрэг 100 гаруй хүн хүрэлцэн ирж оролцсон юм.

Оролцогч зочид

БНХАУ-аас Монгол Улсад суугаа Элчин сайдын яамны соёлын зөвлөх болоод Улаанбаатар дахь Хятадын соёлын төвийн ерөнхий захирал Ливэй үг хэлэхдээ, энэхүү Хятадын сонгодог уран зохиол уншигчдын уулзалт болон ном хандивлах ёслол нь Хятад орныг танин мэдэхүй хэмээх Хятад, Монгол улсын хооронд дипломат харилцаа тогтоосны 70 жилийн ойг тэмдэглэх цуврал арга хэмжээний нэг юм.   Ном нь соёл иргэншлийг харилцан солилцох гүүр болдог. Энэхүү танилцах болоод   хандивлаж буй   номоор дамжуулж олон Монголчууд Хятад улсын тухай мөн соёлын талаар илүү ихийг танин мэдэхийг хүсэж байна.

Ливэй зөвлөх үг хэлж байна

Хятадын Өвөрмонголын Хэвлэлийн группийн ерөнхий менежер   Цөнхань танилцуулахдаа, Хятад, Монгол хоёр улсын соёл номын салбарт гүнзгий хамтын ажиллагааг бэхжүүлж, Хятадын Өвөрмонголын хэвлэлийн групп Монгол криллээр Хятадын шилдэг зохиолуудыг хэвлэн гаргаад байна. Энэхүү Монгол криллээр хэвлэн түгээж буй Хятадын дөрвөн том зохиол болон “ Люшиний 7 дахь уран зохиолын шагналт цуврал бүтээл” “Гурван биет” зэрэг бүтээл нь Хятад, Монгол хоёр улсын хооронд дипломат харилцаа тогтоосны 70 жилийн ойд зориулж буй бэлэг юм. Мөн эдгээр шилдэг бүтээлийн орчуулга болон хэвлэлийн ажил үргэлж байгаа хэмээв.   

Цөнхань үг хэлж байна

Ном хандивлах үеэр Хятад, Монгол хоёр улсын албаны төлөөлөл   Монголын дунд сургууль, Шинжлэх ухааны академи, номын сан, нийгмийн байгууллага, хэвлэлийн компани зэрэг 22 байгууллагад номыг гардуулж өгөв.

Ном хандивах үеэр

Зочид, төлөөллөгчид ном гардуулав