Хятадын соёлыг танин мэдэхүй уралдаан амжилттай болж өндөрлөлөө

Улаанбаатар дахь Хятадын соёлын төв болон Монгол Улсын Консерватори хамтран “Баярт мөчийг хамтдаа хуваалцая –Миний мэдэх Хятад орон” Хятадын соёлыг танин мэдэхүй уралдаан”-ыг   Улаанбаатар хотноо амжилттай зохион байгууллаа. Монгол Улсын Консерваторийн захирал Пүрэв,Улаанбаатар дахь Хятадын соёлын төвийн орлогч дарга Хасбагана нар нээлтийн үйл ажиллагаанд оролцож үг хэллээ. Монгол Улсын Консерваторийн сурагчид, тэдний эцэг эх, бусад хүмүүс энэхүү уралдаанд хүрэлцэн ирэв.

Нээлтийн үеийн хөгжмийн тоглолт  

Монгол Улсын Консерваторийн захирал Пүрэв үг хэлэхдээ,Улаанбаатар дахь Хятадын соёлын төв энэхүү арга хэмжээг зохион байгуулахад дэмжлэг үзүүлсэнд талархал илэрхийлье гээд үргэлжлүүлэн манай сургууль нь Улаанбаатар дахь Хятадын соёлын төвтэй олон жилийн нягт хамтран ажиллагаатай,соёлын солилцооны олон арга хэмжээг зохион байгуулахын зэрэгцээ багш сурагчдын чадварын дээшлүүлж, мөн олон нийтийн Хятадын соёлын тухай ойлголтыг улам баяжуулж байна. Энэ сард зохион байгуулагдсан Төвөдийн урлагийн багийн урлагийн тоглолт болон мэргэжлийн сургалт нь манай багш сурагчдад тун их таалагдсан. Эдгээр арга хэмжээ нь соёлын солилцоог ахиулахад, хоёр орны ард түмний найрамдлыг бэхжүүлэхэд чухал ач холбогдолтой юм.

суугаа Элчин сайдын яамны соёлын зөвлөх болоод Улаанбаатар дахь Хятадын соёлын төвийн захирал Ливэйг төлөөлөн   энэхүү арга хэмжээг зохион байгуулсанд талархал илэрхийллээ. Үргэлжлүүлэн хэлэхдээ, соёл нь оюун санааг холбох зангилаа, урлаг нь хамгийн яруу сайхан соёлын хэл юм. Монгол Улсын Консерваторийн багш, сурагчид энэ олон жилийн хугацаанд урлагаар дамжуулан соёлын солилцооны гүүрийг байгуулахад хүчин чармайлт гаргаж буй нь нүдэнд тод томруун харагдаж байна. Хятад улс байгуулагдсаны 70 жилийн ой, Хятад, Монгол хоёр улсын хооронд дипломат харилцаа тогтоосны 70 жилийг ой зэрэгцэн тохиож буй энэ онцгой жилд бид энэхүү Хятадын соёлын танин мэдэхүй уралдааныг зохион байгуулж, Хятад улсын 70 жилийн ололт амжилт болон Хятад Монгол хоёр орны ард түмний 70 жилийн найрамдлыг тэмдэглэж байгаа юм. Тус тэмцээнд оролцсон сурагчдыг үүгээр дамжуулан Хятадын соёлыг илүү сайн танин мэдэж, Хятад, Монголын найрамдлыг бүтээгч болохыг хүсэж байна.

Улаанбаатар дахь Хятадын соёлын төвийн орлогч дарга Хасбагана болон Монгол Улсын Консерваторийн захирал Пүрэв үг хэлж байна

Энэ удаагийн уралдаан нь Хятадын хөгжмийн бүтээл, Хятад дуу болон уран бичлэг гэсэн гурван төрлөөр явагдсан юм.Оролцогчид монгол, хятадын үндэсний хөгжмөөр “Дэлхийд ганцхан ээж” ,”Жасмин цэцэг”, “Али уулны охин” зэрэг хятадын сонгодог хөгжмийн бүтээлийг тоглож,“хагдрах цэцэг” , “Ань голын гүүр” зэрэг хятад дууг дуулж халуун алга ташилтыг авч байлаа.

Уран бичлэгийн уралдааны үеэр сурагчид өөрсдийнхөө Хятадын соёлын ойлголтоо үзгээр илэрхийлж үзүүлэв. Тэдний бүтээл дунд таван таван хошуут улаан туг, цагаан хэрэм,   панда, луу зэрэг хятадын бэлгэдлийг зурсан байв. Мөн уушуу, цайны урлаг,   ши жүжгийн дуртай хэсгээр зурж Хятад Монгол хоёру лсын ард түмний найрамдалд сайн сайхныг хүссэн юм.

Пипа хөгжмийн хамтлаг

Хуучир хөгжмийн тоглолт

Уран бичлэгийн үзүүлбэр