“Наран ургахуй” хятадын эмгэнэлт драмын жүжиг орон нутагт тоглогдож байна

Улаанбаатар дахь Хятадын соёлын төвийн дэмжлэгтэйгээр Төв аймгийн “Монгол туургатан” театр өөрсдийн дэглэсэн “Наран ургахуй” хятадын эмгэнэлт драмын жүжгийг 10 дугаар сарын 17-ны өдрөөс говийн аймгуудаар тоглож байна. БНХАУ-аас Монгол улсад сугаа ЭСЯ-ны соёлын зөвлөх болоод Улаанбаатар дахь Хятадын соёлын төвийн захирал Ливэй тус жүжгийн аялан тоглолтын нээлтэд оролцож үг хэлэв.     

Ливэй соёлын зөвлөх Элчин сайд Шиньхайминийг төлөөлж Монгол туургатны театрын захирал Мөнхбат болон уран бүтээлч нарт энэхүү аялан тоглолтыг зохион байгуулж буйд талархал илэрхийлэв. Тэрээр үргэлжлүүлэн, “Наран ургахуй” драмын жүжгийг өнгөрсөн 4 дүгээр сард Улаанбаатар хотноо анх амжилттай тоглосон. Мөнхбат захиралтай 30 уран бүтээлч   өнгөрсөн 7 дугаар сард Хятадад айлчилсан. Өнөөдөр энэхүү аялан тоглолтыг зохион байгуулж, Хятад, Монгол хоорондын соёлын солилцооны салбарт хувь нэмрээ оруулж, хоёр орны ард түмний найрамдалд чухал ач холбогдолтой арга хэмжээ болж байна. Хятад Монгол хоёр орны ард түмний найрамдал 70 жилийн хугацааг өнгөрүүлж, бид бүгдийн хамтдын хичээл зүтгэлээр энэ найрамдал цаашид уламжлагдаж улам цэцэглэн хөгжих болно. Ингээд энэхүү тоглолтод амжилт хүсье гэлээ.

Нэрт жүжгийн зохиолч Цао Ю-ийн “Наран ургахуй” драмын жүжгийн зохиолыг Монголын чадварлаг орчуулагч Мөнхжаргал монгол хэлнээ орчуулж, БНХАУ-аас Монгол улсад суугаа ЭСЯ-ны чиглэл болон Улаанбаатар дахь Хятадын соёлын төвийн дэмжлэгээр Төв аймгийн Монгол туургатан театрын уран бүтээлч нар ийнхүү амилуулан тайзнаа тоглолоо. Энэхүү драмын жүжгийг Улаанбаатар хотноо өнгөрсөн 04 дүгээр сарын 27-28-ны өдөр анх тайзнаа тоглож, үзэгч олны таашаалд хүрч байсан юм. Улаанбаатар дахь Хятадын соёлын төв болон Монгол туургатан театр хамтрантус тоглолтыг хамтран говийн аймгуудаар аялан тоглож байна. 09 дүгээр сарын 27-30-ны өдөр Дундговь, Өмнөговь аймагт тоглосон бол дараа нь Дундговь аймагт тоглох юм.

“Наранургахуй” нь Хятадын нэрт зохиолч Цао Ю-ийн нэртэй дөрвөн бүтээлийн нэг юм. Өнгөрсөн 20-р зууны 30-иад оны эхэн үеийн Тяньжиний нийгэм дэх хөрөнгөтний үзэл дэлхийн эдийн засгийн хямралын нөлөөнд автсан хотын нийгмийн өөр давхаргын амьдралын нөхцөл байдлыг илэрхийлдэг. Энэхүү жүжгээс өмнө тус зохиолчийн “Аянган бороо”, “Буйд нутаг” драмын жүжгийг Монгол хэлнээ орчуулж, тайзнаа амилуулсан байдаг. “Аянган бороо”   жүжиг 1992 он болон 2004 онд Монгол улсад тоглогдож байсан бол “Буйд нутаг” жүжиг 2018 онд тайзнаа тоглогдож байжээ. Драмын жүжгээс гадна Улаанбаатар дахь Хятадын соёлын төв нь “Наран ургахуй” болон “Буйд нутаг” жүжгийн зохиолыг Хятад, Монгол хэлээр хэвлүүлжээ.