Чэнь Шуан соёлын зөвлөх Элчин сайдын яамыг төлөөлж Монгол улсад суралцаж буй Хятад оюутан болон сай

Гадаадад дахь ажилчин олноороо нутагтаа буцаж ирж буй энэ үед Монгол улсад ковид-19 тээвэрлэгдэн орж ирэх эрсдэлтэй тулгарч байна. Үүнд Монгол улсын засгийн газар эрчимтэй хязгаарлах арга хэмжээ авч, аливаа олон улсын нислэг болон галт тэргийг   зогсоож, дотоод дахь олон нийтийн хөдөлгөөнийг хязгаарлаж, баяр наадам,   соёл, спорт, үзэсгэлэн худалдаа зэрэг олон нийтийг хамарсан үйл ажиллагаа, цэцэрлэг, ерөнхий боловсролын болон их дээд сургуулийн хичээлийг зогсоож, цахим хичээлийг орж эхлэв.  

БНХАУ-аас Монгол улсад суугаа ЭСЯ-наас   Монгол улсад суралцаж байгаа хятад оюутан болон сайн дурын багш нарын эрүүл мэндийн аюулгүй байдал болон амьдралын баталгаанд байнга санаа тавьж байдаг. Элчин сайд Цай Вэнь Рүй-гийн өгсөн үүрэг даалгавраар 03 дугаар сарын 25-ны өдөр ЭСЯ-ны соёлын зөвлөх болоод Улаанбаатар дахь Хятадын соёлын төвийн захирал Чэнь Шуан   МУИС, Соёл урлагийн их сургууль болон Хишиг дунд сургуульд зочилж, Монгол улсад суралцдаг Хятадын оюутан болон хятад хэлний сайн дурын багш нартай уулзаж, тэдэнд халдвараас хамгаалах болон эрүүл мэндийн хэрэгсэл тарааж өгөв.

ЭСЯ-ны соёлын зөвлөх болоод Улаанбаатар дахь Хятадын соёлын төвийн захирал Чэнь Шуан

Хишиг сургуулийн хятад хэлний сайн дурын багш нартай уулзаж байна

    Чэнь Шуан соёлын зөвлөх ярианыхаа эхэнд Намын төв хороо,Төрийн зөвлөл, Гадаад харилцааны яамны анхаарал халамж, мэндийг оюутан, сайн дурын багш нарт уламжилж,   Элчин сайд Цай Вэнь Рүй-гийн мэндийг дамжуулахын зэрэгцээ эх орон болоод байгаа газрынхаа цар тахалтай тэмцэх ажлыг идэвхтэй дэмжиж буйд талархал илэрхийлэв. Чэнь Шуан зөвлөх үргэлжлүүлэн хэлэхдээ, хэдийгээр Монгол улсад өвчний тохиолдол бүртгэгдсэн ч гэсэн түүний аюул хамгаалалт хязгаар дотор байна. Та бүгдийг итгэлээ алдахгүй, халдвараас сэргийлж, алсыг харж, суралцах болон амьдарлын хэв маягаа оновчтой төлөвлөхийг хүсэж байна. Түүнчлэн Монголын талын цар тахлаас сэргийлэх арга хэмжээнүүдийг идэвхтэй дагаж мөрдөн, нийгмийн хариуцлагаа хэрэгжүүлж, өөдрөг,   эрүүл саруул амьдралын хэвшлийг баримталж, Хятад хүний сэтгэлгээний цог золбоог харуулаарай. Борооны дараа тэнгэр цэлмэдэг. Энэхүү цар тахлын үед эх орон чинь дандаа та нартай хамт байж, түшиг тулгуур чинь байх болно. Элчин сайдын яам вичат эсвэл утсаар байнга та бүхэнтэй холбоотой байж, тухай бүрт хариу өгч, боломжоороо туслах болно. Бид хүн бүрийн аюулгүй байдлыг анхаарч, орхихгүй гэлээ.  

ЭСЯ-ны соёлын зөвлөх болоод Улаанбаатар дахь Хятадын соёлын төвийн захирал Чэнь Шуан Монгол улсад суралцаж буй Хятад оюутнуудтай уулзаж байна

Оюутнууд болон сайн дурын багш нар нам болон засгийн газраас гадаадад суралцаж байгаа хүмүүстээ анхаарал тавьж байгаад талархал илэрхийлэхийн зэрэгцээ Элчин сайдын яамнаас тусалж дэмждэгт баярласнаа хэллээ. Мөн Монгол улсад   ковид-19 тээвэрлэгдэн орж ирж байгаа хэцүү үед Цай Вэнь Рүй элчин сайд хүн томилож бидэнд “ эрүүл мэндийн хэрэгсэл” өгч байгаад сэтгэл санаа тайвширч, амарлаа гэв. Тэд улсынхаа засгийн газрын мэндчилгээ болон захиасыг бусдадаа дамжуулж   хэлж, өөрсдийгөө сайн хамгаалж, суралцах болоод амьдралаа зөв зохицуулахын зэрэгцээ Монгол улсын засгийн газраас хэрэгжүүлж буй арга хэмжээнд идэвхтэй оролцож, вирустэй тэмцэх тэмцэлд хувь нэмрээ оруулах болно хэмээн хэлж байв. Эх сурвалж: Төв радио телевизийн ерөнхийгазрын Монгол дахь салбар Улаанбаатар дахь Хятадын соёлын төв