хүүхдийн баярыг тохиолдуулан“Элчин сайдын яамны нээлттэй өдөр”-ийг зохион байгууллаа

  5 сарын 31 өдөр, БНХАУлсын элчин сайдын яамны Соёлын хэлтэс, Улаанбаатар дахь Хятадын соёлын төв хамтран анх удаа олон улсын хүүхдийн баярыг тохиолдуулан  “Элчин сайдын яамны нээлттэй өдөр”-ийг зохион байгууллаа. Энэхүү арга хэмжээнд БНХАУлсаас Монгол улсад суугаа онц бөгөөд бүрэн эрхт элчин сайд ноён Шин Хай Мин, БНХАУлсаас Монгол улсад суугаа соёлын зөвлөх хатагтай Ли Вэй болон элчин сайдын яам бүрэн бүрэлдэхүүнээрээ, мөн Монгол Улсын Их Хурлын гишүүн хатагтай С.Оюун, Жанжин Сүхбаатарын нэрэмжит нийслэлийн бүрэн дунд 2 сургуулийн захирал хатагтай Цэнгэлмаа, Нийслэлийн засаг даргын дэргэдэх Хүүхэд залуучуудын үндэсний төв, Хятад Монголын Найрамдал сургууль зэрэг 200 гаран сурагчид багш нарын хамт морилон ирсэн үйл ажиллагаа боллоо. Энэхүү үйл ажиллагаанд Соёлын зөвлөх, Улаанбаатар дахь Хятадын соёлын төвийн дарга хатагтай Ли Вэй хүрэлцэн ирсэн багш сурагчидад мэндчилгээ дэвшүүлээд сайн сураад том болоод Хятад Монгол хоёр улсын харилцаанд өөрсдийн хувь нэмрээ оруулахыг хүсэн ерөөлөө. Ингээд Улаанбаатар дахь Хятадын соёлын төвийн санаачлагаар Жанжин Сүхбаатарын нэрэмжит нийслэлийн бүрэн дунд 2 сургуулийн захирал хатагтай Цэнгэлмаа, Нийслэлийн засаг даргын дэргэдэх Хүүхэд залуучуудын үндэсний төв, Хятад Монголын Найрамдал сургуулийн сурагчид өөрсдийн бэлдсэн урлагийн тоглолтоо хүрэлцэн ирсэн үзэгчдэд толилууллаа. Тоглолтын дараагаар Элчин Сайд ноён Шин Хай Мин болон Соёлын зөвлөх, Улаанбаатар дахь Хятадын соёлын төвийн дарга хатагтай Ли Вэй нар хүүхдүүдэд банш хийхийг зааж тэдэнтэй хамт банш чимхэж цагийг зугаатай өнгөрүүллээ. Энэхүү үйл ажиллагаа нийт 3 цаг үргэлжилж элчин сайдын яам хүүхдүүдийн инээд хөөрөөр дүүрч мартагдашгүй нэгэн оройг хамтдаа өнгөрүүллээ.