Хятад Монгол хамтран “Хятадын соёлын баяр”-ыг зохион байгуулна.

БНХАУ-ын Элчин сайдын яам, Улаанбаатар дахь Хятадын соёлын төв болон Монгол улсын Архангай аймгийн Засаг даргын тамгын газар, Монголын урлагийн ажилтны холбоо хамтран 2016 оны 8 сарын4 өдрөөс 8 өдрүүдэд Архангай аймгийн Цэцэрлэг хотод анхны том хэмжээний  “Хятадын соёлын баяр”-ыг зохион байгуулах гэж байна.

Энэхүү арга хэмжээнд  Хятад улсын Ордос хотын дуу бүжгийн чуулгын тоглолт,  Хятад улсын Хөх нуур мужийн Бурхан багшийн дүр зургийн үзэсгэлэн, Дээд монголын номын үзэсгэлэн, Монгол Улсын Филармон болон Монголын урлагийн уран бүтээлчдийн тоглолт Архангай аймгийн хөгжимт драмын театрын тоглолт зэрэг олон төрлийн соёлын үйл ажиллагаа зохион байгуулагдах болно.